Боловсролын ажил

Музейн боловсролын ажлын хүрээнд улсын туг, далбаа, сүлдний хувьсал өөрчлөлтийг харуулсан "Монгол төрийн бэлгэдэл" хичээлд Орхон сумын ЕБС-ийн 4а ангийн сурагчид хамрагдлаа. 50км хол газраас автобусаар туулан манай музейг зорин ирсэн дүү нартай баярлалаа.

 "Орон нутаг судлах" хичээлийг " Оюуны ирээдүй"цогцолбор" сургуультай хамтран зохион байгуулж дарханы Өчигдөр, Өнөөдөр, Маргааш баримтат киног үзүүллээ.

Музейн боловсролын ажлын хүрээнд Дархан хотын 53 жилийн ойд зориулан Дархан хэмээх нэр үүссэн домгоор хуруун хүүхэлдэйн тоглолтыг зохион байгуулж хүүхэд багачууддаа бэлэг барьж, толилуулсан байна.

Дархан-Уул аймгийн Музей Дархан-Уул аймаг дахь ОХУ-ын ерөнхий консултай хамтран "Аугаа эх орны дайны ялалтын 70 жилийн ой" сэдэвт гар зургийн уралдааныг зохион байгуулж байна.